August NEWS in brief
Pa DP HAOKIP LE A INSUNGMITE GUWAHATI A KICHONTAU.
Pa DP Haokip(IRS) le a insung mite lhalui nisim 30 jingkah chun Indian Airlines a Guwahati jon in acheta uve. A transfer na toh kilhon in KWS(B) le KSO(B) in farewell annehkhom ana nei peh uvin ahi. Nu Ngailhing jong damtheng loulai jin akilhon khom pitai. Taonan hejing ute ainsung mite jouse.
AECS A BIBLE SIMLAI LULUN NU IN EIMOLLEMSAN TAU
AECS Bible simlai Lulun Haokip chu tulha nisim 3 chun anu in Pa heng jondingin eidalha ta uvin, KSO(B) in lunghempi na akiphong in ahi. KWS lamkaihon condolence meeting khat jong Neneng te inna a neipeh uvin ahi. KSO lamkai honjong condolence aga pe uvin ahi.
NG.TINGCHA SATHYA HOSPITAL A KON DAMSEL A POTTA
Ng.Tingcha Haokip gilpi dammo na ana neijeh in Sathya Hospital a ana kijen in, KSO(B) lamkaihon ana vil uvin, tuhin damsel in ahung pot doh tai.
NU HELHING SUNDAR HOSPITAL A OPERATION ANABOL
Nu Helhing Kipgen chu lhalui chun appendix natna ana neijeh in Sundar hospital a operation ana kibol in tuhin damsel in ahung pot doh tai. Ahung vil hojouse komma kipa thu ainsungmiten ahin phong un ahi.
ACTOR SHARON ALBUM THOJOU A BANGALORE HUNGKILE TA
Actor Sharon Haokip injong tutu a ki release Deilaichaan kiti album ahin tho jouvin Bangalore ahung lhung kittai. La choh thet tah khat a apange ti akija in ahi. KSO(B) in ahin kipapi lheh e.
HAOPU HAOKIP (ATC) APA JAMKHOLET DAMJOULOU A EIDALHATAU
ATC a tong Haopu Haokip apa Jamkholet chu Pneumonia le Liver failure jeh in Manipal a anakijen in, hinla vangset umtah in anadanjoutapon eimollem san ta uve. Alongdamsa chu tulha nisim 11 nichun achapa Haopu toh aloinu Nu. Chun inlamma a lhahdoh ding in anakilhon pi lhontai. Haopu Haokip hi ahile tutua KSO(B) a Vice President atu ahi.
GL.LETLUN LEH ANAOPA POLICE HON MAN TUA JAIL A UMLHON
Gl.Letlun Kipgen leh anaopa chu Police hon cheque thu toh kisaija boina aneijeh un aman un tuhin Bangalore Jail a aum lhon nalaijin ahi.chuleh Gari accident ahi tia ana kisei chu hetkhel joh ahi.
THE 1ST BIRTHDAY OF MS.TINNEIHOI HAOKIP
Nisim 25th Aug nichun Ms. Tinneihoi Haokip kumkhat lhinna Birthday chu Narayanpura Cross munna thupi tah in ana kimang chaitan ahi. Hethei khatchu hiche chapangnu hi Pa Lenjagou leh nu Choihoi vanchoi masapen ahi.
KSO EXEC. HOLEH PU T.LUNKIM BANGALORE KHOPIA ANA KIHOU U
Achesa nisim 21st Aug ‘09 nichun 6-11pm sungchun KSO(B) lamkai holeh Pu T.Lunkim in nampia ding’a chepi dingleh maban na UNO toh kihouna ding thua lunggil tah in kihou khomna leh lunggel seikhomna ana nei un ahi.
DEILANCHAAN VOLUME 3 VIDEO ALBUM BANGALORE A LHUNGTA
Deilaichaan video album 3 na pen Bangalore a ahung lhungtai. Avenom hon Sharon Haokip komma akilah thei u ahi. Sharon Haokip jong chu la khat a ajaovin ahi. Nungah hoi khat le ni jong ajaove ti thu akijan ahi.
FRESHERS MEET A PU T.SANGLIANA CHIEF GUEST A KIKOU
Tuchung Freshers’ Meet adinga Chief Guest dingin Pu T.Sangliana Ex-MP chu temna akinei in ahi. Maban ajong eimi society ding ajong pan ahin lah ding kinep aum in ahi.
NETWORK MARKETING FEVER HAS CAUGHT BANGALORE BY STORM
Network marketing kiti hi inlanga bou cheham akiti le Bangalore KSO(B) members ho jong amat phah dan ahile akilou vin ahi. Iche na jousea jaovin jaovin tiloi ngan ahitai. NSEM kitiloi, TVI Express kitiloi ahiloule Amway kiti loi.
Aphalheh in ahi, midang ho ahou hou sanga eimi hojong ihung houthei uvale. Apang thei thei, ajou thei thei in pan alah nom uva le pan lacheh uhite. Network marketing a asetna ima aumpoi. Pathen amasapenna ikoi phot ule ibol jousea ilolhin diu ahi.
PUNE LE SHILLONG KSO IN FRESHERS MEET MANGU
Tulha nisim 8 nichun Pune le Shillong KSO in Freshers’ Meet anamang ta uvin ahi. Ahin thuso hoilou khat kija chu ahile KSO Shillong hon Pu T.N Haokip Chief Guest a ana kou uchu Delhi KSO hon Kuki forum achun along lhai lou nau anaphong uve.
DELHI KSO HON PU THANGSO BAITE MP KAI LOPPEH NA ANANEI U.
Tulha nisim 1 nichun KSO Delhi hon Pu Thangso Baite chu MP akaidohna kipapi najal in loppeh nakin Mizoram House, Vasant Vihar Delhi ah ana neipeh uve.
BANGALORE A TVI GUPSHUP GROUP JONG KIBOL DOHTA
Bangalore sung’a TVI networking business a jong eimi mii tampi ajaotan chutoh kilhon kihet matto theina dingleh information ho muthei nading in tvibangalore gupshup group jong ana kisemdoh tan ahi,hiche networking a pangho hi abon chauva ahung lolhin sohkei diuhi kinep aumlheh e.