July News in brief
Gl.Lulun Haokip Coles Park a inn a Kolhon nasatah a vo u
Nisim 8th Jul 1:30am vel chun Coles Park aum Gl.Lulun chu kolhon aumnau inn ahung bulhu uvin nasatah in a aluchang ana suhkhah jeh uchun ajan ma2 in Nimhans Hosp. ana polut un ahinla Doctor hon discharge ahin peh kit phatun Tuhin Manipal hosp a gimtah in aum nalai in ahi.
Pa D.P Haokip Guwahati a ding’a Transfer hita
Bangalore a eimi Officer a enei sun2 un Pa D.P Haokip chu Guwahati ading in Transfer ahikit tan ahi,ama pohdoh ding hi pamai umtah ahi adeh in amahi tahsa leh lhagaova eitil khou jing uleh kinep umtah ahin ahi.
Ng.Mary Haokip atohna Manager pan threatened bol
Ng.Mary Haokip chu Commercial Street a Sales a atohna munna a Manager pan Dangka Lakh khat gu in angoh in threatened anabolin chutoh kilhon KSO(B) lamkai hon ana kiboipi in Police Station a athu chu seitoh in ana um in ahi,hijeh chun eimi numei natongho eki chih thei diu hi dei aum in ahi.
(L)Lentinlal Memorial Trophy lolhingtah a kichaita
Nisim 2 le 3 july chun ana amollemsa (L)Lentinlal Haokip geldohna Sport meet chu ana FC Zalen Clunb lamakainan Shanti Nagar munna ana bol uvin, ahungkikhom mipi tampi vetnuom umtah final match chu Tangkhul Katamnao Long,Bangalore le Shanthinagar Club ana ki chem lhon nin TKLB in winner's trophy guntah le dangka Rs.10000 chule Shanthinagar te'n trophy
guntah male Rs.3000 ana kipoh cheh lhontai.
KSO(B) President te inn kichonta
KSO(B) President Len Dimngel leh a inn sung mite chun aumnau Kullapa Circle inn chu dalhan inn thah Kamanahalli ma2 ana kichon lut tau vin ahi chutoh kilhon chu KSO(B) Office jong tua inn thah a hin akikhel tan ahi.
Natong dingleh Lekha simding’a mithah hung jing
Bangalore a pansa ding in Ng.Nempi Touthang jong natong din Nagaland apatin ahung vailhung tan ahi.tuhin amahi Austin town a apansa hileh akilome,melthah etam cheh2 jeh un kipa aum in ahi.
Pa DP Haokip(IRS) Guwahati Transfer ta
Pa DP Haokip(IRS) jong phatsot pi ium piu jou vin achenna mun Guwahati a transfer amu kit tah jeh in Bangalore adalhah vah ding ahitai. KSO(B) in Bangalore a um sunga Kuki Society a phatchom na tampi a eiboi peh jeh uvin achunga kipathu ahin kiphonge. Chule KSO(B) advisor jong eina poh peh uvin seijoulou kipapina avel in ahung kiphonge. KSO(B) a a contribution ho:
- KSO(B) Advisor eina poh peh u
- Ama le Nu.Ngailhing in Garden Khopi a Patron members a eipanpeh u.
- KSO Membership lamasa loipen.
- Tuchung Shillong Conference a dinga Rs.2000 a eina pan peh u
- Ningkum Kut a Rs.3000 a eina pan peh kit u,
- Coles Park a isopiu khat vangsetna chung changa sum le pai thale jung a eina kithopi jeh uvin
NU NGAILHING TAONA NGAICHA
Nu.Ngailhing Haokip chu tahsa damlouva Bangalore munna Hospital a kijen jing ahin hijeh chun ahung damdoh theina ding in taonan geldoh cheh uhite.
KSO(B) IN HIN KIPAPI LHEH
* KSO(B) in Membership Fee leh emergency fund hinpe hojouse chung’a kipa thu ahung kiphong’e.
* Patron Member thah ei panpeh u Pastor Thangboi Haokip, Garden Khopi in kipathu ahung kiphong’e.
* Gl.Joshua in jong tuchung B.Sc Final Exam a lolhinna sangtah ahin muin,70% ahin mu in ahi. KSO(B) in ahin kipapi lheh e.
THE 1ST Late LENTINLAL HAOKIP MEMORIAL TROPHY
Tu naicha a ana mollemsa sopi ngaium Lentinlal Haokip,S/O Pu.Ngamthang Haokip mel hetjingna football tournament FC Zale'n makaina le insungmite kithopina a ana kiguong chu lolhingtah in ana chelha tai. Team somle gup panlahna golseh chu nisim 2 le 3 july chun ana chelha'n,mipi'n amollemsa (L)Lentinlal Haokip geldohna pha'd akinei jouvin ahungkikhom mipi tampi vetnuom umtah final match chu Tangkhul Katamnao Long,Bangalore le Shanthinagar Club ana kichem lhonnin TKLB in winner's trophy guntah le dangka Rs.10000 chule Shanthinagar te'n trophy guntah male Rs.3000 ana kipoh cheh lhontai.Fairplay award Rs.1000 chu mipi deisah Sinnlung FC anachangtai.
Tuchung a pan hungla alen aneo,team jouse chule organisation jaadchom chom chungah FC Zale'n in kipa thu seijoulou ahin phonge.Tu maban a ahoijo cheh a ahung kigonkit thei nadi'n kigocheh uhite. FC Zale'n in adalhah insungmite lunghempina kahin nei uve.