dd
PRESIDENTIAL MESSAGE
Amasa pen in Garden Khopi mangcha a Bangalore kuki chate toh kihoumat thei a kaum jeh in Pathen kathangvah in chuleh Garden-Khopi sim jouse kajana Salam kape e.
Phat ahung che che in hichetoh kilhon chun 2011-2012 sunga mopohna neiding ina kilhen nauva chun kiletsah pithei cheh apha le afel hijat lah a chun keiho se neihin lhengdoh tauvin...
Nei support cheh nau kidangtah jal a lhendoh kahiuve ti kaheuvin hiche toh kilhon chun 27th Aug 2011, Saturday jaan a lamkai masa hon incharge eihin pehlhah niuva pat chun kivaihom ding dan kahin gel pan tauvin, 2nd sept.2011, Friday jaan achun KSO(B) Prez inn mun a first meeting ahung kinei in Pathen mapuina kidangtah jal in Ajenda poimo cheh lahkhomna aum in resolution kilungtoh chet in aki pass in Executive jousen mipi eisupport hou jouseu kajanna salaam kahin peuvin ahi.
Lhahsamna tampi kanei jeh uvin kei sangin ama joh chu anakai leh katiuvin kakiphatlam lheh jeng uvin nadei lamtah uva vai kahin hom jou diu hinam jong kativin ahi. Hijong leh keiho(Executive) ho jengseh hilouva mipi jouse khat cheh in keiya ahi ti owner-ship ikilah uva Kuki Students` Organisation hi mipi jouse hopsoh keiya kiloikhomna ahitoh kilhonna idea pethei loi in idea(lunggel) ipehkhom uva thaleh jung, sumle pai ipi pi hijongleh kei kajaolouva khoh ahi ti ikihet uva ahileh kimachal nante ti kinepna neipum in kahung kipan uvin lam kahin jotpan tauvin ahi.
Education chung chang ahin tu sangin kikhang tou leh ti hi mijouse inop cheh diu kagingchan hiche toh kilhona chun education system a eimapui diuvin lamkai phatah le kineppi umtah inei uvin full support ibol uva machal nading lampi bollou ima inei lou diuvin kahin ngehnom in ahi. Hichema bang achun Sports hileh Culture hileh Finance lam hitaleh lamkai hoitah tah inei uvin amaho hi isot hat lou uleh mohseh hithei ding ahijeh in Kuki( Thadou-Kuki) chate jousen ngailut a ipanpi va I support jing diuvin kahin ngehbe nom in ahi.
Heiha ipi pi hijongleh ahcha bang a iki loikhomnau lenpen jong sumle pai le adang dang a ahong keo vin alhasam lheh jeng in tuchung a jong hi ahahsa pen sum le pai kithopina thum hi kiphatlam umlheh jong leh mitomngai le nampi ngailuho koma hung thum a hung taotho jeng kahin bolkit diuvin aum in nei hetthem uva neihin kithopiu kahin ngeh kit in ahi.
Kuki Students` Bangalore Parliament in ahung kigel holeh chepi ding hung kigel ho khantouna thei ding jouse a neilhon pidiu amimal cheh tep leh ngehna Executive thalheng in kahin nei in ahiiii.
Jangkholen Singson
President Kuki Students` Organisation
Bangalore